დავით უსუფაშვილი პრეზიდენტობის კანდიდატი იქნება

დავით უსუფაშვილმა საპრეზიდენტო არჩევნებში მონაწილეობის შესახებ განცხადება, გადაცემა „რეაქციაში“ სტუმრობისას გააკეთა.

“მე ვაგრძელებ საპრეზიდენტო მარათონში მონაწილეობას და საბოლოოდ ვიღებ ამ გადაწყვეტილებას, ჩემი გადაწყვეტილება არის საბოლოო და არავის სხვის გადაწყვეტილებაზე აღარაა დამოკიდებული. მე ქართველი ამომრჩეველი მიხილავს ბიულეტინში”,- განაცხადა დავით უსუფაშვილმა.

მისი თქმით, მოქმედი პრეზიდენტი გიორგი მარგველაშვილი არ არის დაინტერესებული გრძელვადიანი პარტიულ -პოლიტიკური საქმიანობით, ამიტომ უსუფაშვილის შეთავაზებას ის არ დათანხმდა. დავით უსუფაშვილმა პრეზიდენტს ღია წერილით 5 ივლისს მიმართა და მარგველაშვილს თანამშრომლობა შესთავაზა.

საქართველოში საპრეზიდენტო არჩევნები 2018 წლის ოქტომბერში უნდა გაიმართოს, ჯერ-ჯერობით პრეზიდენტს მეორე ვადით არჩევნებში მონაწილეობის შესახებ ოფიციალური განცხადება არ გაუკეთებია.

ამ დროისათვის, ცნობილია გაერთიანებული ოპოზიციის კანდიდატი გრიგოლ ვაშაძე და “ევროპული საქართველოს” კანდიდატი დავით ბაქრაძე.

[sknews.ge]