ახალციხეში მინი–ფეხბურთის ტურნირი იწყება

ტურნირი მინი–ფეხბურთში სამცხე–ჯავახეთის ფეხბურთის ფედერაციის ორგანიზებით გაიმართება. მასში ახალციხეში მოქმედი ორგანიზაცია–დაწესებულებები მიიღებენ მონაწილეობას.

როგორც ფედერაციის რეგიონული პრეზიდენტი განმარტავს, ამ ეტაპზე 10 გუნდია რეგისტრირებული.

„31 მარტამდე არის შესაძლებლობა, რომ მსურველები დავამატოთ. გუნდი 10 მოთამაშისგან უნდა შედგეს. მნიშვნელოვანია, რომ ტურნირში მეტი მოხალისე ჩაერთოს“, – განმარტავს გელა მაისურაძე.

ტურნირში ჩართული გუნდები ორ ჯგუფად გადანაწილდა:

პირველი ჯგუფი
1. შპს "დელტა კომი";
2. ახალციხის პოლიციის სამმართველო;
3. "უნიმედი სამცხე";
4. მიკროსაფინანსო ორგანიზაცია "კრედო";
5. "ახალციხის ციხე".

მეორე ჯგუფი
1. ახალციხის ჯავშანსატანკო სასწავლო ცენტრი;
2. შპს "ინტერ გაზი";
3. სასაზღვრო პოლიცია;
4. სუპერმარკეტი "სმარტი";
5. პოლიციის დეპარტამენტი.

გამარჯვებული გუნდები ორგანიზატორისგან მედლებს, დიპლომებსა და სიმბოლურ საჩუქრებს მიიღებენ.

[თაკო ფეიქრიშვილი, ახალციხე]