მზადება ფეხბურთის რეგიონული ჩემპიონატისთვის

დღეს, 1 აპრილს, სამცხე–ჯავახეთის ფეხბურთის ფედერაციის პრეზიდენტმა და გუნდების მწვრთნელებმა ჩემპიონატზე გასამართი მატჩების განრიგზე იმსჯელეს. გადაწყდა, რომ რეგიონის პირველობისთვის, პირველი ოთხი მატჩი, 22 აპრილს, ბორჯომში გაიმართება.

„ყოველი რეგიონული ჩემპიონატის დაწყების წინ მწვრთნელებს ვხვდებით და თითოეული თამაშის განრიგს ერთად ვგეგმავთ, იმისათვის, რომ ორგანიზებული თამაშები ჩავატაროთ“, –ამბობს სამცხე–ჯავახეთის ფეხბურთის ფედერაციის პრეზიდენტი გელა მაისურაძე.

ჩემპიონატში ახალციხის, ადიგენის, ასპინძის, ბორჯომის, ახალქალაქისა და ნინოწმინდის 8 გუნდი ჩაერთვება. თამაშებში მონაწილეობას 2001, 2003 და 2005 წლებში დაბადებული ვაჟები მიიღებენ.

ჩემპიონატი წრიული სისტემით გაიმართება. გამოვლინდება ყველაზე მაღალი ქულების მქონე პირველი, მეორე და მესამე ადგილის მფლობელი გუნდი.

გელა მაისურაძის თქმით, იმ შემთხვევაში თუ ჩემპიონატში ჩართვის სურვილს რომელიმე მუნიციპალიტეტის გოგონათა გუნდი გამოხატავს, თამაშებს ისინიც შეუერთდებიან.


[ლუბა გიორგაძე, ახალციხე]