სამცხე–ჯავახეთის გუბერნიასა და გამგეობებს სოლიდარობის ფონდმა მადლობის სერტიფიკატი გადასცა

"საქართველოს სოლიდარობის ფონდი" პრემიერ-მინისტრის, ირაკლი ღარიბაშვილის ინიციატივით გასული წლის ივნისში დაფუძნდა.
"სოლიდარობის ფონდის" საქმიანობას 240-ზე მეტი საჯარო უწყების 40 ათასზე მეტი თანამშრომელი შეუერთდა, ფონდმა თანამშრომლობის მემორანდუმები 14 კერძო კომპანიასთანაც გააფორმა.

შედეგად ფონდში 1,701,000 ლარის მობილიზება მოხდა და საიდანაც 1,198,000 ლარით დამტკიცებულია 58 ბავშვისა და ახალგაზრდის დიაგნოსტიკისა და მკურნალობის ხარჯები.

ფონდის დაფინანსებით 18 ბავშვი უკვე გაემგზავრა ან გეგმავს საზღვარგარეთ სამკურნალოდ გამგზავრებას, მათ შორის განსაკუთრებით ძვირადღირებული ძვლის ტვინის ტრანსპლანტაციის ჩასატარებლად.

[sknews.ge]