სოლიდარობის ფონდს სამცხე–ჯავახეთში 454 საჯარო მოხელე შეუერთდა

როგორც სამცხე–ჯავახეთის სამხარეო ადმინისტრაციის ოფიციალურ გვერდზე გავრცელებულ ინფორმაციაში წერია, ხელფასიდან ყოველთვიური შენატანის განხორციელების სურვილი სამხარეო ადმინისტრაციისა და რეგიონის მუნიციპალიტეტების ადგილობრივი თვითმმართველობის ორგანოების 454 თანამშრომელმა გამოთქვა. ფონდში პირველი შენატანი უკვე განხორციელდა.

ცნობილია, რომ სოლიდარობის ფონდი საჯარო და კერძო სექტორის თანამშრომლობით, ფინანსური რესურსების მობილიზებასა და პრიორიტეტულ სოციალურ საჭიროებებზე მიმართვას ისახავს მიზნად. საწყის ეტაპზე ფონდი ონკოლოგიური პაციენტების, პირველ რიგში ბავშვების, ძვირადღირებული მკურნალობის დაფინანსებაზე იქნება ორიენტირებული.

[skneww.ge]