ფონდმა ‘ერთად შევძლებთ’ პირველი საქველმოქმედო აქცია გამართა

ბარბარე სიმსივნის მძიმე სენით გარდაიცვალა და სამი შვილი დედის გარეშე დარჩა. ბარბარეს გარდაცვალებამდე მისი მეუღლე, დიაკვანი პანტელეიმონი საზოგადოებას დახმარებას სთხოვდა, რადგან ბარბარეს ძვირადღირებული მკურნალობის საშუალება ოჯახს აღარ ჰქონდა. ფონდი „ერთად შევძლებთ“ სწორედ ამ პერიოდში შეიქმნა და გადაწყვიტა, რომ პირველი საქველმომექდო აქციაც ბარბარეს დასახმარებლად გაემართა.

„ჩვენი მიზანი იყო, ფონდის შესაძლებლობებიდან გამომდინარე, დავხმარებოდით მამა პანტელეიმონის ოჯახს,რადგან ფონდის დაარსების მიზეზი მამაოს მეუღლის ბარბარეს ავადმყოფობასთან ბრძოლის შესაგროვებელი თანხა იყო. ფონდის საბჭოს წევრების საერთო გადაწყვეტილებით ჩავთვალეთ, რომ პირველი შეგროვილი თანხიდან ამ მრავალშვილიან ოჯახს დავხმარებოდით. რასაც ამ ადამიანებისთვის ძალიან დიდი მნიშვნელობა აქვს. ჩვენ მათ საჭირო საყოფაცხოვრებო ტექნიკა და საკვები პროდუქტები გადავეცით. რა თქმა უნდა, საქველმოქმედო აქციების განხორციელებას მომავალშიც გავაგრძელებთ“, - გვითხრა საქველმოქმედო ფონდის “ერთად შევძლებთ" თავმჯდომარემ ბიბი გოგოლაძემ.

[sknews.ge]