"ევრაზიის თანამშრომლობის ფონდმა" ახალციხეში შეხვედრა გამართა

შეხვედრა არასამთავრობო ორგანიზაცია "დემოკრატ მესხთა კავშირის" საკონფერენციო დარბაზში გაიმართა.

"ევრაზიის თანამშრომლობის ფონდი" პერიოდულად აწყობს რეგიონებში გასვლით შეხვედრებს. ამ შეხვედრების მიზანია, რეგიონის საზოგადოებას, სამოქალაქო სექტორისა და ხელისუფლების წარმომადგენლებს გავაცნოთ ის სიახლეები, რაც არის ფონდის საქმიანობაში და მოვიწვიოთ ეს ადამიანები სათანამშრომლოდ", –ამბობს "ევრაზიით თანამშრომლობის ფონდის" სამოქალაქო საზოგადოების კუთხით პროგრამის მენეჯერი ზაალ ანჯაფარიძე და ამატებს, რომ მსგავსი შეხვედრები მათ ხელს უწყობს მომავალში უკეთ დაგეგმონ პროგრამები.

"ახალციხის ახალგაზრდული ცენტრის" დირექტორის მაკა სუდაძის თქმით, ის პროექტი, რომლესაც ევრაზიის ფონდი სამცხე–ჯავახეთის რეგიონში ახორციელებს საკმაოდ მნიშვნელოვანია.

"ევრაზიის ფონდს" ძალიან საინტერესო პროექტები აქვთ მაგალითად, სურსათის უვნებლობასთან დაკავშირებით. ეს აისახა კიდეც ჩვენს მოსახლეობაზე, მაშინ, როცა ერთ–ერთი პროდუქტის ვარგისიანობის გამო ინდ.მეწარმე იქნა დაჯარიმებული. ამიტომ სასიცოცხლო მნიშვნელობისაა და ვფიქრობ, რომ მომავალშიც შეიძლება აღნიშნულ ფონდმა წარმოდგინოს და განახორციელოს ისეთი პროექტები, რომლებიც რეგიონისთვის მნიშვნელოვანი იქნება.

[sknews.ge]