წარმატებული სტუდენტები ახალციხის თემის თვითმმართველობაში სტაჟირებას გაივლიან

სტუდენტებს სტაჟირების გავლა წელიწადში ორჯერ: გაზაფხულსა და შემოდგომაზე შეეძლებათ. სტაჟირების ხანგრძლივობა დაახლოებით 4 თვეა.

თვითმმართველ თემში განმარტავენ, რომ წარმატებული სტუდენტები შესაძლოა საკრებულოსა და გამგეობაში დასაქმდნენ კიდეც. საუკეთესო სტუდენტებს სპეციალური ჯგუფი შეამოწმებს, რომელიც მუნიციპალიტეტის თვითმმართველობაში სტაჟირებისთვის შეიქმნება.

„გაწერილია სერთიფიკატის გაცემისა და სტაჟირების წესი. კრიტერიუმები არსებობს და ამის მიხედვით შევაფასებთ“, – განმარტავს საკრებულოს თავმჯდომარის მოადგილე გელა ნოზაძე.

სტაჟირების დასრულების შემდეგ სტუდენტებს სერთიფიკატები გადაეცემათ.

[თინათინ ზაზაძე, ახალციხე]