ფინანსთა სამინისტროს საგამოძიებო სამსახური სტაჟირების პროგრამას აცხადებს

საქართველოს ფინანსთა სამინისტროს საგამოძიებო სამსახურის რეგიონულ სამმართველოებში სტაჟიორები ისპექტორ–გამომძიებლის პოზიციაზე მიიღებიან.

ახალციხის, გორის, რუსთავის, თელავის, ბათუმის, ფოთის, ზუგდიდის, ქუთაისის და მცხეთის რეგიონულ სამმართველოებში სტაჟირებას უმაღლესი იურიდიული ან ეკონომიკური განათლების მქონე, 30 წლამდე ასაკის ახალგაზრდები გაივლიან.

ფინანსთა სამინისტროს საგამოძიებო სამსახურის ინფორმაციით, განცხადებების მიღება მიმდინარე წლის 15 აპრილიდან 27 აპრილის ჩათვლით იწარმოებს.

სტაჟიორები კონკურსის წესით შეირჩევიან. კონკურსი სამ ეტაპად ჩატარდება, საგამოძიებო სამსახურში სტაჟირების მსურველები ტესტირებას ჯერ უნარჩვევებში გაივლია, მეორე ეტაპზე პროფესიული ტესტირება იქნება, ხოლო მესამე, ანუ ბოლო ეტაპი გასაუბრება იქნება.

[თამარ თოთაძე, ახალციხე]