2014 წელს სამცხე–ჯავახეთში 600 პროექტი განხორციელდა

დაფინანსების მიხედვით, პროექტები ასე ნაწილდება: 40 პროექტი, ღირებულებით 13.186.953 ლარი რეგიონებში განსახორციელებელი პროექტების ფონდიდან; 396 პროექტი, ღირებულებით 3.533.778 ლარი, „სოფლის დახმარების პროგრამის“ ფარგლებში და164 პროექტი, ღირებულებით 5.691.561ლარი, ადგილობრივი ბიუჯეტის დაფინანსებით.

პრიორიტეტების მიხედვით, პროექტები ასე ნაწილდება: 93 – გზების რეაბილიტაცია, 142 – სასმელი წყლის სისტემების რეაბილიტაცია; 15 – გარე განათების სისტემების რეაბილიტაცია, 4 –საკანალიზაციო სისტემა და 35 – სარწყავი სისტემა.

გარდა ამისა, 27.5 კილომეტრზე დაიგო ასფალტი, მოიხრეშა 60 კილომეტრამდე გზა, რეაბილიტაცია ჩაუტარდა სკოლამდელი აღზრდის 22 დაწესებულებას, კულტურის სახლების 29 ობიექტს, 14 ხიდს, სარიტუალო სახლებსა და ადმინისტრაციული შენობების 89 ობიექტს, სპორტული სტადიონების, საყოფაცხოვრებო, სანიაღვრე-სადრენაჟო, ნაპირსამაგრი და სხვა დანიშნულების ობიექტების 157 ობიექტს.

როგორც სამცხე–ჯავახეთის სამხარეო ადმინისტრაციაში განმარტავენ, 2014 წელს დასრულდა 2013 წელს დაწყებული 13 გარდამავალი პროექტი, რომელთა ღირებულებამ 5 982 541 ლარი შეადგინა.

2014 წელს დაგეგმილი სამუშაოებიდან, დასრულებულია 98 პროცენტი.

ასევე, 2014 წელს სამცხე-ჯავახეთის რეგიონში აშენდა შსს სამმართველოს ორი სასაზღვრო სექტორი დამხმარე შენობა-ნაგებობებით: კარწახსა და სამებაში, ხოლო ასპინძაში დასრულდა განსაკუთრებულ დავალებათა დეპარტამენტის სამშენებლო - სარემონტო სამუშაოები.

[მანანა სარაშვილი, ახალციხე]