2014 წელს ახალქალაქს 9 პროექტი დაუფინანსდა

სამუშაოების ჩატარებისთვის თანხა რეგიონებში განსახორციელებელი პროექტების ფონდიდან გამოიყო. პროექტების ჯამური ღირებულება პირველ ეტაპზე 1,978,360 ლარია.

აღნიშნული თანხის ფარგლებში განხორციელდება ახალქალაქის მუნიციპალიტეტის სოფელ გომანის, კარტიკამისა და ხოსპიოს სასმელი წყლის წყალსადენის რეაბილიტაცია. რეაბილიტაცია ჩაუტარდება სოფელ კოთელიის სასმელი წყლის წყალსადენსაც.

რეგიონებში განსახორციელებელი პროექტების ფონდიდან ახალქალაქისთვის გამოყოფილი თანხით გათვალისწინებულია შიდა მუნიციპალური გზების რეაბილიტაცია.

გზის საფარის სარეაბილიტაციო სამუშაოები განხორციელდება თბილისის ქუჩაზე - ცენტრალური ტრასიდან დარბინიანის ქუჩამდე (950-მეტრიანი მონაკვეთი). რეკონსტრუქცია ჩაუტარდება ენგელსის ქუჩას - მალხასიანის ქუჩიდან უკმერსკაიას ქუჩამდე 860-მეტრიან მონაკვეთსაც.

ახალქალაქის მუნიციპალიტეტში იგეგმება კეთილმოწყობითი სამუშაოებიც, რომელიც, ასევე, რეგიონებში განსახორციელებელი პროექტების ფონდიდან ფინანსდება.

პროექტის ფარგლებში დაგეგმილია:
· აღმაშენებლის ქ. #2 ბინის ეზოს კეთილმოწყობა - 900 კვ.მ
· აღმაშენებლის ქ. #3 ბინის ეზოს კეთილმოწყობა - 1000 კვ.მ
· აღმაშენებლის ქ. #5 ბინის ეზოს კეთილმოწყობა - 1200 კვ.მ
· აღმაშენებლის ქ. #10 ბინის ეზოს კეთილმოწყობა - 1200 კვ.მ.

ახალქალაქის მუნიციპალიტეტისთვის რეგიონებში განსახორციელებელი პროექტების ფონდიდან გამოყოფილი თახის ფარგლებში გათვალისწინებულია რკინა-ბეტონის ქარხნის მუნიციპალიტეტის საავადმყოფომდე საქვეითო ბილიკის მოწყობა.

შესრულებულ სამუშაოებს მონიტორინგს საქართველოს რეგიონული განვითარებისა და ინფრასტრუქტურის სამინისტრო გაუწევს.

2013 წელს აღნიშნული ფონდიდან ახალქალაქში 8 პროექტი და დაფინანსდა და რვავე პროექტი დასრულდა.

[sknews.ge]