ახალქალაქში 2013 წელს დაგეგმილი ყველა პროექტი დასრულდა

ახალქალაქის მუნიციპალიტეტის გამგეობაში განმარტავენ, რომ 2013 წელს რეგიონებში განსახორციელებელი პროექტების ფონდიდან 8 პროექტი დაუფინანსდათ. მოგვიანებით, ტენდერებიდან დაზოგილი თანხით კიდევ ერთი პროექტი დაიგეგმა.

• ჩარენცის ქუჩის რეაბილიტაცია - ჯავახეთის ქუჩიდან ბოლომდე - 350,000 ლარი;
  
• რუსთაველის ქუჩის რეაბილიტაცია ჯავახეთის ქუჩიდან ბოლომდე - 290,000 ლარი;
  
• თავისუფლების ქუჩის რეაბილიტაცია-ჯივანის ქუჩის გზაჯვარედინიდან ქალაქის სასფლაომდე - 480,000 ლარი;
  
• ბორის ლომსაძის ქუჩის რეაბილიტაცია-მალხასიანის ქუჩიდან უკმერსკაის ქუჩამდე, - 500,000 ლარი;
  
• სოფელ არაგვას საირიგაციო სისტემის სათავე ნაგებობის რეაბილიტაცია - 35,545.0 ლარი;
  
• სოფ. აზავრეთის სასმელი წყლის წყალსადენი - 220,000 ლარი;
  
• სოფ. იხტილას სასმელი წყლის წყალსადენი, - 270,000 ლარი;
  
• სოფ. იხტილა-სოფ. პატარა და დიდი სამსარის გზის რეაბილიტაცია, - 100,000 ლარი;

და მეცხრე პროექტი, ტენდერებიდან დაზოგილი 300.000 ლარით ლომსაძის ქუჩის ბოლომდე მოასფალტება გადაწყდა.

ახალქალაქის მუნიციპალიტეტის გამგეობის ინფრასტრუქტურის სამსახურის უფროსი ლიოვა ღაზარიანი ირწმუნება, რომ ახალქალაქში ყველა პროექტი დასრულდა.

სამცხე-ჯავახეთის მასშტაბით, ახალქალაქი ერთადერთი მუნიციპალიტეტია, სადაც დაგეგმილი სამუშაოები 2013 წელსვე დაასრულეს. შეგახსენებთ, სამცხე-ჯავახეთის მასშტაბით აღნიშნული ფონდიდან დაფინანსებული 55 პროექტიდან, 12 გარდამავალ პროექტებში გადავიდა. ახალციხეში 19-დან 16 დაასრულეს, ადიგენში - სამიდან მხოლოდ ერთი, ასპინძაში - ოთხიდან მხოლოდ 2 დასრულდა, ბორჯომში 17-დან 13, ნინოწმინდაში კი 3-დან 2.

[sknews.ge]