აღმოსავლეთ–დასავლეთის მართვის ინსტიტუტი სამოქალაქო გაძლიერების ახალ პროექტს იწყებს

სამოქალაქო საზოგადოების განვითარებისა და მოქალაქეების ჩართულობის (ACCESS) პროექტის მიზანია სამოქალაქო საზოგადოებრივ ორგანიზაციებში მოქალაქეთა ჩართულობისა და სამოქალაქო საზოგადოებრივ ორგანიზაციების ფინანსური მდგრადობის გაუმჯობესება.

პროექტის გახსნის ღონისძიებაზე, რომელიც დღეს, 24 დეკემბერს, ახალციხის დემოკრატიული ჩართულობის ცენტრში შედგა, ACCESS-ის თანამშრომლებმა ისაუბრეს პროექტის მიზნებსა და სამოქალაქო საზოგადოების გაძლიერების გზებზე ისაუბრეს.

პროექტის ხელმძღვანელები სამოქალაქო საზოგადოების გაძლიერებას შემდეგი მიდგომების გამოყენებით გეგმავენ: მოქალაქეების ჩართულობა მათი ცნობიერების ამაღლებისა და სამოქალაქო საზოგადოებრივ ორგანიზაციებში უფრო აქტიური მონაწილეობით; სამოქალაქო საზოგადოებრივი ორგანიზაციებისა და მათი ხელმძღვანელი რგოლის შესაძლებლობების გაძლიერება ქვეყნის მასშტაბით;

პროექტის ერთ–ერთი მიმართულებაა დემოკრატიული ჩართულობის ცენტრების მხარდაჭერა მათი დამოუკიდებელი ორგანიზაციებად ჩამოყალიბების მიზნით, რათა მათ შეძლონ საჯარო დისკუსიებისათვის პოლიტიკურად ნეიტრალური შეკრების ადგილებად ფუნქციონირების გაგრძელება.

ამავე შეხვედრაზე შედგა ადგილობრივი და ცენტრალური მთავრობის ბიუჯეტის მონიტორინგის პრეზენტაცია. ეკონომიკური პოლიტიკის კვლევის ცენტრმა კი შეკრებილებს გააცნო „სახელმწიფოს ფასის“ ვებ გვერდი. ვებ გვერდი მოქალაქეებს საშუალებას აძლევს შეიტყონ ცენტრალური და ადგილობრივი ბიუჯეტში ცვლილებების ექსპერიმენტების შესახებ.

„ეს პრეზენტაცია წარმოადგენს ACCESS-ის პირველ ღონისძიებას საუკეთესო გამოცდილებისა და ინოვაციის ღონისძიებების ციკლიდან. ამ ღონისძიებების მიზანია საქართველოში სამოქალაქო საზოგადოებისათვის მნიშვნელოვან საკითხებთან დაკავშირებით წარმატებული და ინოვაციური იდეების გაზიარება“,– განმარტავენ პროექტის ხელმძღვანელები.

[Sknews.ge]