აღმოსავლეთ–დასავლეთის მართვის ინსტიტუტი ანგარიშს წარადგენს

შეხვედრა ახალციხის დემოკრატიული ჩართულობის ცენტრში, 11:30 საათზე დაიწყება. აღმოსავლეთ–დასავლეთის მართვის ინსტიტუტის წარმომადგენლები საკუთარი მუშაობის შედეგებს სამოქალაქო საზოგადოებას, მედიასა და სხვა დაინტერესებულ პირებს გააცნობს.

აღმოსავლეთ-დასავლეთის მართვის ინსტიტუტი (EWMI) 2014 წლის ნოემბრიდან ახორციელებს 5.5 მილიონი აშშ დოლარის ღირებულების პროექტს - „სამოქალაქო საზოგადოების განვითარებისა და მოქალაქეების ჩართულობის პროექტი“ (ACCESS). პროექტის მიზანია არასამთავრობო ორგანიზაციებსა და მოქალაქეებს შორის თანამშრომლობის გაზრდა და არასამთავრობო ორგანიზაციების განვითარების მხარდაჭერა. პროექტს აფინანსებს ამერიკის შეერთებული შტატების საერთაშორისო განვითარების სააგენტო (USAID).

მონაწილეები ასევე დეტალურ ინფორმაციას მიიღებენ EWMI ACCESS-ის საგრანტო კონკურსზე, რომელიც რეგიონული ორგანიზაციებისთვისაა განკუთვნილი.

მონაწილეებს საშუალება ექნებათ, პროექტის წარმომადგენლებს საკუთარი მოსაზრებები გაუზიარონ მიმდინარე და დაგეგმილ ღონისძიებებთან დაკავშირებით, ასევე სამოქალაქო სექტორში და საზოგადოებაში არსებულ საჭიროებებთან დაკავშირებით. მიღებული ინფორმაცია და რეკომენდაციები ACCESS–ს დაეხმარება თავისი საქმიანობა კიდევ უფრო მეტად მოარგოს საზოგადოების საჭიროებებსა და ინტერესებს.
შეხვედრაზე დასწრება ყველა მსურველს შეუძლია.

[sknews.ge]