ტრენინგი ტყის მდგრადი მართვის შესახებ

„კავკასიური გარემოსდაცვითი არასამთავრობო ორგანიზაციების ქსელი“, ავსტრიის განვითარების სააგენტოს დაფინანსებით, პროექტს „ტყის მდგრადი მართვა საქართველოში“ შვიდ რეგიონში ახორციელებს, მათ შორის ერთ – ერთი სამცხე – ჯავახეთია.

„პროექტის ფარგლებში სატყეო სექტორის მონიტორინგს ვახორციელებთ, ანუ რამდენად ეფექტურად ხდება სატყეო სააგენტოების მიერ უფლებამოსილების განხორციელება რეგიონულ დონეზე“, – ამბობს პროექტის „ტყის მდგრადი მართვა საქართველოში“ კოორდინატორი სამცხე – ჯავახეთის რეგიონში ნინო ლომიძე.

პროექტის მთავარი მიზანია მოსახლეობისა და დაინტერესებული პირების ჩართულობის გააქტიურება ადვოკატირების გზით.

„პროექტის მიზანია თვითმმართველობის წარმომადგენლებთან, არასამთავრობო ორგანიზაციებთან, აქტიურ მოქალაქეებთან და სტუდენტებთან ერთად, ადგილობრივ დონეზე განვიხილოთ გარემოსდაცვითი პრობლემები, შემდგომში მოხდება ამ საკითხების ადვოკატირება შესაბამის უწყებებთან“, – ამბობს ნინო ლომიძე.

„სენის“ მიერ ორგანიზებული ტრეინინგი ახალციხის დემოკრატიული ჩართულობის ცენტრში მიმდინარეობდა.

„ტყის ეფექტური მართვა ძალიან მნიშვნელოვანია ჩენი რეგიონისთვის. წინა პერიოდში, როცა არ ხდებოდა ადვოკატირება, გამოიწვია ცუდი შედეგები. დღეს უკვე ვდგავართ იმ რელობის წინაშე, რომ თოთოეული ჩვენთაგანის ვალია ვიზრუნოთ ტყის განვითარებისთვის“, – ამბობს ბორჯომის მუნიციპალიტეტის საკრებულოს თავმჯდომარე გიორგი ფერაძე.

ტრეინინგი გარემოსდაცვით საკითხებში ექსპერტმა ნანა ზუბაშვილმა ჩაატარა.

„ის მცნება, რომ ადვოკატირება მხოლოდ არასამთავრობოებისა და მოქალაქეების ვალია, უნდა დაინგრეს, ყველა ჩვენგანმა უნდა ვიზრუნოთ ტყის მართვაზე“, – ამბობს ნანა ზუბაშვილი.

ტრეინინგის მონაწილეებს პროგრამის ფარგლებში დამზადებული ბუკლეტები, „მოქალაქის გზამკვლევები“ გადაეცათ.

[მანანა სარაშვილი, ახალციხე]