ახალციხეში ტყის მდგრადი მართვის საკითხებზე იმსჯელეს

შეხვედრაზე, რომელიც ახალციხის დემოკრატიული ჩართულობის ცენტრში შედგა, ტყის ფონდის ტერიტორიაზე სატყეო ინფრასტრუქტურის მდგომარეობის, ხე-ტყის დამზადების დროს ტყის ეკოსისტემების მოვლის, დაცვისა და აღდგენითი ღონისძიებების მიმდინარეობაზე იმსჯელეს.

„გარდა ამისა, შევიმუშავეთ რეკომენდაციები ბიომრავალფეროვნების თანამონაწილეობრივი მონიტორინგის ერთიანი სისტემის ჩამოყალიბებისთვის“, - ამბობს ღია გარემოსდაცვითი სამოქალაქო ინიციატივის კოორდინატორი სამცხე-ჯავახეთის რეგიონში ხათუნა ხმალაძე.

მისივე განმარტებით, შეხვედრის მიზანი ტყეების მახასიათებლებზე, ტყეების ბუნებრივ იერსახის ცვლილებებზე, სისტემატიური დაკვირვების, მონიტორინგის წარმოების გაუმჯობესების , დინამიური მონაცემთა ბაზის ჩამოყალიბების და ანალიზის განხორციელების ხელშეწყობაა;

„ასევე, ეფექტური პრევენციული ღონისძიებების დაგეგმვა- განხორციელება, რათა უზრუნველყოფილი იქნეს ბიოლოგიური მრავალფეროვნების კონსერვაცია და მდგრადი გამოყენება“, - ამბობს ხათუნა ხმალაძე.

[sknews.ge]