29 ნოემბერს ახალციხეში „ეკოჰაბი“ გაიხსნება

რესურს ოთახის გახსნა 14:00 საათზე, ახალციხის ზრდასრულთა განათლების ცენტრში შედგება, მისამართზე: ქ ახალციხე, რუსთაველის #65.

„ეკოჰაბი“ CENN-ის რეგიონული პროექტის "ტყის მდგრადი მართვა საქართველოში" ფარგლებში გაკეთდა, „ავსტრიის თანამშრომლობა განითარებისთვის“ ფინანსური მხარდაჭერითა და ახალციხის ზრდასრულთა განათლების ცენტრის დახმარებით.

ზემოთ აღნიშნული პროექტის ფარგლებში CENN-ი აქტიურად თანამშრომლობს სკოლებთან (მასწავლებლებთან, მოსწავლეებთან და ეკოკლუბებთან). ამ თანამშრომლობის მიზანი ახალგაზრდა თაობის გარემოსდაცვითი ცნობიერების ამაღლება, გარემოსდაცვითი პრობლემების გამოვლენა და ადგილობრივ დაინტერესებულ მხარეებთან ერთად მათი მოგვარებაა.

გარემოსდაცვითი მიმართულების გარდა CENN-ი გეგმავს აქტიურად ჩართოს ადგილობრივი სკოლები ეკო-ტურიზმის განვითარებაში, რადგანაც მიაჩნია, რომ ტყის მდგრადი განვითარების ერთ-ერთ უმნიშვნელოვანეს ფაქტორს სწოროედ ეკო-ტურიზმი წარმოადგენს.

"კო-ჰაბი იქნება ადგილი, სადაც შესაძლებელია თავი ერთად მოიყაროს რეგიონის ახალგაზრდობამ, პედაგოგებმა, გარემოსდაცვისა და ეკო-ტურიზმის საკითხებზე მომუშავე სხვადასხვა მხარემ, ერთმანეთს გაუზიარონ გამოცდილება და ცოდნა, და დაგეგმონ შემდგომი თანამშრომლობის ნაბიჯები", – აცხადებენ CENN-ში.

[sknews.ge]