ახალციხელ გივი ცხოვრებაშვილს ამ დრომდე უშედეგოდ ეძებენ

ცხოვრებაშვილი სახლიდან 7 მარტს 9 საათზე გავიდა. იგი ახალციხეში აბის დასახლებაში გორის ქუჩაზე 31 ნომერში მეუღლესთან ერთად ცხოვრობს. მას ორი დაოჯახებული შვილი ჰყავს.

ოჯახის წევრებმა ცხოვრებაშვილის ძებნა 7 მარტს საღამოსვე დაიწყეს. ძებნა პოლიციისა და სამაშველო სამსახურის თანამშრომელბთან ერთად 8 მარტს დილითაც განახლდა.

- ’გივი საძელში ხშირად მიდიოდა, სოფლეში ხალხს სხვადასვხა საოჯახო საქმეებში ეხმარებოდა. მას ყველა იცნობს. 7 მარტს ადგილობრივებს საძელში უნახავთ. ამ სოფლის მკვიდრმა ბავშვმა გვითხრა, რომ 7 მარტს 12 საათისთვის სასაფლაოზე ყოფილა და სვამდა. სოფლის მცხოვრებლებს გივი დაახლოებით საღამოს 6-ის ნახევარზეც უნახავთ, ხის ქვეშ ეძინა. ბოლო ინფორმაციით საღამოს 10 საათისთვის ის წისქვილში ნასვამ მდგომარეობაში ყოფილა. ამის მეტი აღარაფერი გაგვიგია’,- გვიყვება გივი ცხოვრებაშვილის სიძე ფირან გორელიშვილი.

მისი თქმით, ადრეც ყოფილა შემთხვევები, რომ მთელი დღის განმავლობაში სახლში არ მისულა, თუმცა საღამოს ყოველთვის შინ ბრუნდებოდა.

- ’ჩვენთან ერთად დღემდე ეძებენ სამაშველო სამსახურისა და პოლიციის თანამშრომელიბიც. ოფიციალურად საქმის ძიება ხვალ დაიწყება, რადგან კანონით დაკარგვიდან 5 დღე უნდა გავიდეს’ - ამბობს დაკარგულის დიშვილი ზურაბ ლომიძე.

მისივე თქმით, ძებნის პროცესში აბისა და საძელის მოსახლეობა აქტიურადაა ჩართული.

[ნინო ზედგინიძე, ახალციხე]