ახალციხის ციხის ტერიტორიის ნაწილის დათვალიერება დღეიდან ფასიანი გახდა

ქვედა ციხეში, სადაც ძირითადად სხვადასხვა მომსახურების ობიექტებია, შესვლა უფასოა. ზედა ციხეში, სადაც სხვადასხვა ისტორიული ძეგლია, შესვლა დღეიდან ფასიანია.

ტურისტული საინფორმაციო ცენტრის მოლარე-ოპერატორის ნანა მერაბიშვილის თქმით ფასები სხვადასხვაგვარია.

სკოლის მოსწავლეებისათვის ჯგუფური ტური 50 თეთრია, ინდივიდუალურად სკოლის მოსწავლეებისათვის - 1 ლარი. ასევე ჯგუფური ტური სტუდენტებისათვის - 1 ლარია, ინდივიდუალურად კი 1, 50 ლარი.

ადგილობრივი მოსახლეობისათვის (იგულისხმება რეგიონის 6-ვე მუნიციპალიტეტი) ზედა ციხის ტერიტორიაზე შესვლა ინდივიდუალურად - 1,5 ლარია, ჯგუფური ტურის შემთხვევაში - 1,0 ლარი. რეგიონს გარეთ მცხოვრებლებისთვის ჯგუფური ტური - 5 ლარი, არაჯგუფური კი 7 ლარია.

ეს ფასი სამცხე-ჯავახეთში მცხოვრებლებისთვის მხოლოდ ნოემბრამდე შენარჩუნდება. 1 ნოემბრიდან ერთი ადამიანის შესვლა 7 ლარი ეღირება. ჯგუფური ტურის შეთხვევაში კი თანხა 5 ლარამდე დაიწევს.

გარდა ამისა, ფასიანი გიდის მომსახურებაც. ქართულენოვანი გიდის მომსახურება 10 ლარი ეღირება, უცხოენოვანის კი - 20.

ტურისტულ საინფორმაციო ცენტრში, რომელიც მუშაობას დილის ცხრა საათიდან შეუდგა, დღის პირველ საათამდე უკვე 30 ბილეთი იყო გაყიდული.



[თამარ თოთაძე, ახალციხე]