მუსლიმები ამბობენ, რომ დაკავებულები რომც გაათავისუფლონ, მაინც არ დაიშლებიან

აქციის მონაწილეებმა უკვე შეიტყვეს რომ 14 დაკავებულიდან 3 გაათავისუფლეს. თუმცა ამბობენ, რომ მოთხოვნებს ცვლიან.

„ვიდრე არ დაგვპირდებიან, რომ სადაო შენობა ჩვენ გადმოგვეცემა, არ დავიშლებით. ღამეს აქ გავათევთ“, – აცხადებენ აქციის მონაწილეები.

ამ დრომდე მათი მოთხოვნა მხოლოდ დაკავებულების გათავისუფლება იყო. 14–დან 3 უკვე თავისუფალია, 11–ს სასამართლო პროცესი კი ახალციხის რაიონულ სასამართლოში უკვე დაიწყო და ეტაპობრივად წარიმართება.

შეგახსენებთ, სამართალდამცველებმა მუსლიმები გუშინ, 22 ოქტომბერს, მოხეში, მეჩეთის შენობის გამო ადგილობრვებსა და სამართალდამცველებს შორის მომხდარი დაპირისპირებისას დააკავეს. მათი დაკავების გამო ადიგენის მუსლიმური თემი ორი დღეა ახალციხეში, შსს სამხარეო სამმართველოს შენობასთან აქციებს მართავს.

[თამუნა უჩიძე, ნინო ნარიმანიშვილი, ახალციხე]