დაკავებული მუსლიმების უფლებებს საია დაიცავს

საიას ადვოკატები უკვე შეხვდნენ 14 დაკავებულიდან იმ 11–ს, რომლებიც ადმინისტრაციულ სამართალდარღვევათა კოდექსის 166–ე და 173–ე მუხლებით არიან დაკავებული.

საიას წარმომადგენლები დაიცავენ იმ სამ დაკავებულსაც, რომლებსაც საქართველოს სისხლის სამართლის კოდექსის 353-ე მუხლის მე-2 ნაწილით ედავებიან.

„ზურაბ ვანაძეს, ოთარ მიქელაძეს და თეიმურაზ მიქელაძეს, რომლებიც სისხლის სამართლის მუხლით არიან დაკავებულები, მე დავიცავ. ამ დროისთვის მათ ბრალი წარდგენილი არ აქვთ. საქმის მასალებს როცა შევისწავლი, მაშინ უფრო კონკრეტული პასუხი მეცოდინება, შესაძლოა ბრალი დღეს ან ხვალ წარედგინოთ“, – ამბობს საიას იურისტი რევაზ რევაზიშვილი.

შეგახსენებთ, რომ 14 მუსლიმი სოფელ მოხეში, გუშინ, 22 ოქტომბერს დააკავეს.

[თამუნა უჩიძე, თინათინ ზაზაძე, ახალციხე]