ბრალდებულის მამას ყარათუბნიდან პოლიციის კორიდორით გაიყვანენ

მთავარი → სამართალი » შემთხვევა 16.10.2014

ყარათუბანში, სადაც გუშინ ღამით, სამი ახალგაზრდის მკვლელობაში ბრალდებულის მამა დაბრუნდა, კვლავ დაპირისპირებაა, პოლიცია ცდილობს ბრალდებული დავით კუბლაშვილის მამა კორიდორის დახმარებით გაიყვანოს სოფლიდან.

ბრალდებულის მამას ყარათუბნიდან პოლიციის კორიდორით გაიყვანენ

მკვლელობაში ბრალდებული საჯარო რეესტრის ეროვნული სააგენტოს ადიგენის სამსახურის უფროსის დავით კუბლაშვილის მამასთან, რომელიც სოფელში, გუშინ დაბრუნდა, მოსალაპარაკებლად გარდაცვლილი ახალგაზრდების ახლობლები შევიდნენ. ისინი ითხოვენ კუბლაშვილი სოფლიდან გადასახლდეს, ტიხონე კუბლაშვილი კი ამბობს, რომ მას წასასვლელი არსად აქვს და სახლში დარჩენის ნებართვას ითხოვს.

დაპირისპირების თავიდან ასარიდებლად, ამ წუთებში პოლიცია სოფელში კორიდორს აკეთებს, ისინი აპირებენ კუბლაშვილი სოფლიდან გაიყვანონ.

რაც შეეხება ერთ–ერთი გარდაცვლილის მამას, რომელიც დაპირისპირებისას ცუდად გახდა, იგი სასწრაფო დახმარების სამსახურმა ადიგენის საავადმყოფოში გადაიყვანა.

შეგახსენებთ, დღეს, დილიდან, სოფელ ყარათუბანში დაპირისპირებაა. ადგილობრივები მკვლელობაში ბრალდებულის ოჯახის სოფლიდან გასახლებას ითხოვენ.

[sknews.ge]