გახსნამდე სამი საათით ადრე

ამდროისთვის ამფითატრის სცენაზე ”ისტენ პრომოუშენის” 25-კაციანი ჯგუფი ტექნიკას ამონტაჟებს.

”მუსიკოსების მოსვლამდე ჩაატარებენ ”საუნდ ჩეკს” იმისთვის, რომ დაბალანსდეს ყველფერი და ამის შემდეგ უკვე შესაძლებელი იქნება კონცერტის გამართვა”, - ამბობს “ისტენ პრომოუშენის” წარმომადმგენელი გენა მამედოვი და ამატებს, რომ სამი დღე და ღამეა აქ გახსნის ცერემონიისთვის შეუსვენებლად ემზადებიან.

ლაგდება და ინომრება სკამები ამფითეატრის წინ. მუსიკოსების ნაწილი, რომლებიც აქ იმღერებენ და დაუკრავენ, უკვე ახალციხეშია.

მზადაა კლიენტებს მოემსახუროs ”ბილაინის, ”პე-ეს-პესა” და ”საქართველოს ბანკის” ფილიალებიც. სამივე მათგანი ერთ სივრცეშია განთავსებული და ხვალიდან რეგულარულად დილის 10:00-დან საღამოს 18:00 საათამდე იმუშავებს.

”მზად ვართ მომსახურებისთვის, აქ შეგვიძლია საოპერაციო კუთხით ნებისმიერი ოპერაციის შესრულება, აქვეა ბანკომატი და აი-ფი-ეს ტერმინალიც”, - გვიხსნის ”საქართველოს ბანკის” უფროსი მოლარე ოპერატორი ირინა ნიკურიანი.

შვედური მაგიდა მზადდება ”ედრესეს” მაღაზიაში. აქ შემომსვლელებს მაღაზია შამპანურით, წვენითა და იმ ტორტით გაუმასპინძლდება, რომელიც ციხისა და ”ედრესეს” მაღაზიის ლოგოთი იქნება მორთული.

”ედრესის” მაღაზიებიდან გვაქვს წამოღებული 4 ბრენდი. ეს არის ბავშვების ”დი ფი ემი”, მამაკაცებისთვის ”სელიო”, ქალბატონებისთვის ”გერი ვებერი”, ქალებისთვისაც და მამაკაცეებისთვისაც ”ტონ ტეილორი”, - ამბობს ბრენდ მენეჯერი ეკა სამხარაძე.

ამ დროისთვის ჯერ კიდევ ასუფთავებენ ციხის ტერიტორიაზე ”ქორწინების სახლს”. აქ ჯერ დეკორაციის მოწყობა დასრულებული არაა.



[თამუნა უჩიძე, ახალციხე]