გახსნის ცერემონიისთვის დაცულია უსაფრთხოების ნორმები

ყოველ 10-15 მეტრში დგას საპატრულო სამსახური, ასევე ქალაქში მობილიზებულია საგანგებო სიტუაციების მართვის სამსახური 112, ქუჩებში დგას სახანძრო სამსახურის მანქანები, სასწრაფო სამედიცინო დახმარების სამსახური და კატასტროფის მედიცინის ცენტრი.

თბილისიდან დღევანდელი დღისთვის ღუდუშაურის სახელობის ეროვნული სამედიცინო ცენტრიდან ჩამოსულია ორი სასწრაფო გადაუდებელი დამხარების მანქანა, ქორიძის სახელობის კატასტროფის მედიცინის ცენტრიდან კი ათი.

”თბილისიდან სულ 12 მანქანაა ჩამოსული, კონცერტის დასრულებამდე ახალციხეში დავრჩებით, თბილისში გვიან ღამით დავბრუნდებით”, - ამბობს კატასტროფის მედიცინის ცენტრის მანქანის მძღოლი ბესიკ ფსუტური.

მისივე თქმით, სამედიცინო მომსახურების მანქანებისთვის ადგილები ქალაქში უკვე განსაზღვრულია: ”ყოველ 100 მეტრში ვდგავართ”.

[თამუნა უჩიძე, ახალციხე]