შეხვედრა მოსახლეობასთან

შეხვედრის პირველი ნაწილი აღნიშნული სამსახურის სერვისების გაცნობას დაეთმო, ამის შემდეგ კი მოსახლეობის კითხვებსა და მათი პრობლემების მოსმენას.

”სამსახურის ისტორიისთვის ორი-სამი წელი საკმარისი არ არის. ამიტომ ხშირად ვმართავთ მოსახლეობასთან შეხვედრებს და ვაცნობთ ჩვენ შესახებ. შესაძლოა, ადამიანს ჰქონდეს პრობლემა, მაგრამ იმის გამო, რომ არ იცის ამ ბიუროს არსებობის შესახებ, ვერ მოაგვაროს”, - უთხრა შეკრებილ საზოგადოებას იურიდიული დახმრების სამსახურის სამცხე- ჯავახეთის ბიუროს უფროსმა დავით ზარიძემ.

აღნიშნული ბიურო ადამიანებს, იურიდიული პრობლემების მოგვარებაში ეხმარება. სოციალურად დაუცველებისთვის აქ ნებისმიერი სახის იურიდიული დახმარება უფასოა, ეს იქნება სამოქალაქო დავები, იურიდიული კონსულტაციები, ასევე სამართლებრივი დოკუმენტების მომზადება.

ზარიძის თქმით, ყველაზე ხშირად მოსახლეობა ახალციხეში არსებულ იურიდიული დახმარების სამსახურს საოჯახო და სამემკვიდრეო დავების შემთხვევაში აკითხავს.

შეხვედრაზე კი ყველაზე მეტი კითხვა, სოციალურად დაუცველების შემთხვევაში შეუსაბამო ქულების დაწერის შესახებ დაისვა. ქალბატონი რომელსაც, სახლში ძველი ავეჯი უდგას და ნახევრად დანგრეული საწოლები აგურებზე უდევს, სოციალურმა მუშაკმა დაუწერა, რომ აქვს ძველი ავეჯი, მაგრამ კარგად შენახული.
ზარიძის თქმით, ასეთ შემთხვევაში, სოციალურად დაუცველებს განცხადების დაწერაში იურიდიული დამხარების ბიურო დაეხმარება.





სტატია დაფინანსებულია ევრაზიის თანამშრომლობის ფონდის მიერ „სამოქალაქო ინიციატივა დამოუკიდებელი მართლმსაჯულებისთვის“ პროექტის ფარგლებში, ამერიკის შეერთებული შტატების საერთაშორისო განვითარების სააგენტოს (USAID), აღმოსავლეთ- დასავლეთის მართვის ინსტიტუტისა (EWMI), და შვედეთის განვითარების სააგენტოს (Sida) მეშვეობით. შინაარსზე პასუხისმგებელია სამოქალაქო განვითარების სააგენტო (CiDA) და შესაძლებელია, შეხედულებები არ ემთხვეოდეს ევრაზიის თანამშრომლობის ფონდის, USAID-ის, ამერიკის მთავრობის ან აღმოსავლეთ-დასავლეთ მართვის ინსტიტუტის (EWMI) შეხედულებებს. სტატია მომზადებულია პროექტის „სისხლის სამართლის რეფორმების იმპლემენტაციის სტრატეგიის მონიტორინგი და ანალიზი უფასო იურიდიული დახმარების სფეროში“ ფარგლებში, რომელიც ხორციელდება სამოქალაქო განვითარების სააგენტოს (CiDA) მიერ.


[თამუნა უჩიძე, ახალციხე]