სოციალურად დაუცველებს სასამართლოში სამოქალაქო დავისას სახელმწიფო ადვოკატი დაიცავს

იურიდიული დახმარების შესახებ კანონში ცვლილება შევიდა, რომელიც სოციალურად დაუცველ მოსახლეობაზე სასამართლოში წარმომადგენლობის განხორციელებას გულისხმობს.

იურიდიული დახმარების ბიუროებში ახალი სერვისი იმ სოციალურად დაუცველი პირებისთვის დაემატა, რომლებიც სოციალურად დაუცველთა ბაზაში არიან რეგისტრირებული და 70 ათასი ქულა აქვთ მინიჭებული. თუმცა, შესაძლოა ასეთი ტიპის მომსახურება 100 ათასამდე ქულის მფლობელებმაც მიიღონ.

„არსებობს გამონკლისიც, თუ პირი არ არის რეგისტრირებული ბაზაში, მაგრამ სხვა დოკუმენტებით დასტურდება რომ შეჭირვებულია, დირექტორის თანხმობით ახალი სერვისი მასზეც განხორციელდება“, – ამბობს სამცხე–ჯავახეთის ირუდიული დახმარების ბიუროს ხელმძღვანელი დავით ზარიძე.

აქამდე, სოციალურად დაუცველებისთვის, სამოქალაქო საქმეების შემთხვევაში, მხოლოდ კონსულტაციების გაწევა და სამართლებრივი დოკუმენტების მომზადება შეეძლოთ, სასამართლოში მათ თავის დაცვა თავად უხდებოდათ, რადგან კერძო ადვოკატი აყვანის საშუალება არ ჰქონდათ. ახლა კი მათ სამცხე–ჯავახეთის მასშტაბით ირუდიული ბიუროს ახალი თანამშრომელი გია სურმანიძე დაიცავს.

ამ მიმართულებით ახალი შტატი ბიუროში ახალი სერვისის დამატების გამო გაჩნდა.

გია სურმანიძე ახალციხეში სამუშაოდ ბათუმიდან გადმოვიდა. იგი აქ შპს ბათუმის ავტოტრანსპორტის იურისტად მუშაობდა. მანამდე კერძო ადვოკატი იყო, მოგვიანებით კი ბათუმის რესპუბლიკური საავადმყოფოს იურისტად დაინიშნა.

იგი სოციალურად დაუცველებს საოჯახო და სამემკვიდრეო სამართალში, ასევე სოციალურ დავებში გაუწევს მომსახურეობას. რაც შეეხება სისხლის სამართლის საქმეებს, ბიურო ამ მიმართულებით სოციალურად დაუცველებთან აქამდევ მუშაობდა.

[თამუნა უჩიძე, ახალციხე]