ადიგენის საკრებულო მუშაობას წყალ–საკანალიზაციო სისტემის მოგვარებით დაიწყებს

ადიგენის მუნიციპალიტეტის საკრებულოს თავმჯდომარე ლევან ლობჯანიძე ამბობს, რომ ძნელია ის ძირითადი პრობლემები გამოყო, რაც ადიგენის მუნიციპალიტეტის მოსახლეობას აწუხებს.

„ძალიან მძიმე მდგომარეობაშია რაიონი, პირველი, რაც უნდა გაკეთდეს, მოსახლეობას სასმელი და სარწყავი წყლის პრობლემა აღარ უნდა ჰქონდეს. ამიტომ, პირველ რიგში მუშაობა ამ კუთხით უნდა დავიწყოთ. თითქმის ყველა სოფელი შემოვლილი მაქვს და ვიცი სად რა პრობლემაა,“, – ამბობს იგი.

ახალციხის მუნიციპალიტეტის საკრებულოს თავმჯდომარის მოადგილის თამაზ ძაძამიას თქმით, მუნიციპალიტეტში ბევრი სოციალური და ინფრასტრუქტურული პროექტები უნდა განხორციელდეს.

„შეიკრიბება ბიურო, დავსხდებით და ვიმსჯელებთ იმ საჭირბოროტო საკითხებზე, რაც ადიგენის მუნიციპალიტეტს უკვე წლებია აწუხებს. მაქსიმუმს გავაკეთებთ იმისთვის, რომ ადიგენის მოსახლეობას დაეტყოს ახალი ძალის მოსვლა“, – ამბობს ძაძამია და ამატებს, რომ პირველ რიგში ადიგენში საყოფაცხოვრებო პირობები უნდა გაუმჯობესდეს.

შეგახსენებთ, დღეს, 14 ივლისს, ახალი მოწვევის საკრებულოს სხდომაზე ადიგენის მუნიციპალიტეტის საკრებულოს თავმჯდომარედ ლევან ლობჯანიძე,მის მოადგილედ კი თამაზ ძაძამია აირჩიეს.

[მანანა სარაშვილი, ადიგენი]