ადიგენის საკრებულოს იმედა მღებრიშვილი უხელმძღვანელებს

ადიგენის ახლადარჩეული საკრებულოს პირველი სხდომა დღეს, 20 ნოემბერს გაიმართა. დეპუტატებმა ხმათა უმრავლესობით, საკრებულოს თავმჯდომარედ, "ქართული ოცნების" სიის პირველი ნომერი იმედა მღებრიშვილი აირჩიეს. მისი მოადგილე კი თამაზ ძაძამია გახდა.

შეგახსენებთ, რომ იმედა მღებრიშვილი ადიგენის საკრებულოს თავმჯდომარედ, პირველად, 2015 წლის 4 მარტს აირჩიეს. მას შემდეგ, რაც ყოფილი თავმჯდომარე, ლევან ლობჯანიძე დეპუტატებმა იმპიჩმენტის წესით გადააყენეს.

ლევან ლობჯანიძემ ადიგენის საკრებულოს სამართლებრივი დავა მოუგო, რის გამოც 2017 წელს, იმედა მღებრიშვილმა პოსტი დატოვა და იგი კვლავ ლობჯანიძეს დაუთმო.

რაც შეეხება თამაზ ძაძამიას, იგი საკრებულოს თავმჯდომარის მოადგილის თანამდებობაზე 2014 წლის ადგილობრივი არჩევნების შედეგად დაინიშნა და დღემდე აღნიშნულ პოზიციაზე რჩებოდა.

[sknews.ge]