ადიგენის მუნიციპალიტეტის საკრებულოს თავმჯდომარედ ლევან ლობჯანიძე აირჩიეს

მთავარი → პოლიტიკა 14.07.2014

ადიგენის მუნიციპალიტეტის ახალი მოწვევის საკრებულოს პირველ სხდომაზე, რომელიც 14 ივლისს გაიმართა, წარმომადგენლობითი ორგანოს თავმჯდომარედ ლევან ლობჟანიძე აირჩიეს.

ადიგენის მუნიციპალიტეტის საკრებულოს თავმჯდომარედ ლევან ლობჯანიძე აირჩიეს

ლობჟანიძე ამ პოსტზე "ქართულმა ოცნებამ" წარადგინა. ამ თანამდებობაზე სხვა კანდიდატი არ დასახელებულა.
პირველი მოწვევის საკრებულოს სხდომას 30–ვე დეპუტატი ესწრებოდა. ლევან ლობჯანიძე 23 ხმით, 7–ის წინააღმდეგ აირჩიეს.

ლევან ლობჟანიძე 1947 წლის 10 მარტს, ადიგენის რ-ნის სოფ. მლაშეში დაიბადა. 1960 წელს დაამთავრა ამავე სოფლის 7–წლიანი სკოლა, ხოლო 1963 წელს ადიგენის საშუალო სკოლა.

1964-69 წწ დაამთავრა საქართველოს პოლიტექნიკური ინსტიტუტის სამთო-გეოლოგიური ფაკულტეტი, სამთო მანქანებისა და კომპლექსების სპეციალობით. ინსტიტუტის დამთავრების შემდეგ მიენიჭა სამთო ინჟინერ–მექანიკოსის კვალიფიკაცია.

1980–2002 წწ კითხულობდა ლექციებს საქართველოს ტექნიკურ უნივერსიტეტში. 1999 წლის იანვარში დაიცვა სამეცნიერო ხარისხი. არის ტექნიკის მეცნიერებათა დოქტორი. არის 27 სამეცნიერო ნაშრომის, მათ შორის, 7 გამოგონების ავტორი.

1969 წლიდან – 2006 წლის 1 ივლისამდე მუშაობდა საქართველოს მეცნიერებათა აკადემიის სამთო/მექანიკის ინსტიტუტში.

1989-92 წწ მერაბ კოსტავას საადგილმამულო ფონდის წევრი იყო.

1995-99 წწ მუშაობდა“მონკავშირის“ საკუთრებაში არსებული მუხრანის გარეული ფრინველის საშენი მეურნეობის დირექტორის მოადგილედ, ხოლო 1999-2010წწ ამავე მეურნეობის დირექტორად.

2008 წლის საპარლამენტო არჩევნებში ადიგენის რაიონში გაერთიანებული ოპოზიციის მაჟორიტარობის კანდიდატი იყო.
ამჟამად საზოგადოებრივი ორგანიზაცია “ქართული ოცნების” წევრია.

არის 1998 წელს დაარსებული “საქართველოს საბინაო-საამშენებლო კოოპერატივების წევრთა უფლებების დაცვის ასოციაციის” ერთერთი დამფუძნებელი და ასევე, ქ. თბილისის დაუმთავრებელი საბინაო-საამშენებლო კოოპერატივების საკოორდინაციო საბჭოს თავმჯდომარე.

ჰყავს მეუღლე და 3 შვილი.

[sknews.ge]