ახალციხის მუნიციპალიტეტის საკრებულოს თავმჯდომარედ დავით ლომიძე აირჩიეს

„ქართული ოცნების“ წევრი დავით ლომიძე, საკრებულოს თავმჯდომარედ პირველი მოწვევის სხდომაზე აირჩიეს. თავმჯდომარის კანდიდატურაზე მხოლოდ ლომიძე იყო დასახელებული. "ერთიანმა ნაციონალურმა მოძრაობამ" კანდიდატის დასახელებისგან თავი შეიკავა.

ლომიძის მოადგილედ უკვე დასახელდა გელა ნოზაძე. ამ წუთებში დეპუტატები ნოზაძის კანდიდატურას უყრიან კენჭს.

სხდომას 30 დეპუტატი ესწრება. ხმები ასე გაიყო 22 მომხრე, 7 წინააღმდეგი და 1 ხმა გაბათილდა.

დათო ლომიძე 1962 წლის 30 მარტს დაიბადა. დაამთავრა ახალციხის პირველი საშუალო სკოლა, შემდეგ სასოფლო-სამეურნეო ინსტიტუტში მექანიზაციის ფაკულტეტი. მუშაბოდა წნისის მეუნრეობაში ინჟინრად, შემდეგ ლიცეუმში დირექტორის მოადგილედ. იყო "მაგთის" რეგიონული წარმომადგენელი.

"ბოლოს ჩემი ბვიზნესით ვიყავი დაკავებული, მაღაზია მაქვს",- გვითხრა დავით ლომიძემ

შეგახსენებთ, დღეს, 14 ივლისს, ახალი მოწვევის საკრებულოს პირველი სხდომა იმართება.

[sknews.ge]