ასპინძის მუნიციპალიტეტის საკრებულოს თავმჯდომარედ მამუკა მელიქიძე აირჩიეს

ასპინძის მუნიციპალიტეტის ახალი მოწვევის საკრებულოს პირველ სხდომაზე, საკრებულოს თავმჯდომარედ „ქართული ოცნების“ წევრი მამუკა მელიქიძე აირჩიეს.

მამუკა მელიქიძე ამ პოსტზე "ქართულმა ოცნებამ" წარადგინა.

ახალციხისა და ადიგენისგან განსხვავებით, ასპინძაში საკრებულოს თავმჯდომარის პოსტზე ორი კანდიდატი იყო დასახელებული: მამუკა მელიქიძე „ქართული ოცნებიდან“ და ასევე მამუკა მელიქიძე იყო მისი კონკურენტი ამ პოსტზე „ერთიანი ნაციონალური მოძრაობიდან“.

სხდომას 27 დეპუტატი ესწრებოდა. „ქართული ოცნების“ წევრმა მამუკა მელიქიძემ 21 ხმა მიიღო, „ერთიანი ნაციონალური მოძრაობის“ კანდიდატმა მამუკა მელიქიძემ კი 6.

საკრებულოს თავმჯდომარის მოადგილის თანამდებობაზე ასევე "ქართული ოცნების" წევრი ნუგზარ ლონდარიძე აირჩიეს. საკრებულოს 27–ვე დეპუტატმა იგი ერთხმად აირჩია.


[sknews.ge]