ახალციხის საკრებულომ ახალი თავმჯდომარე აირჩია

შეგახენებთ, დღეს, 28 დეკემბერს, ახალციხის საკრებულოში რიგგარეშე სხდომა იმართება, რომელზეც საკრებულოს თავმჯდომარე უნდა აერჩიათ.
თავმჯდომარის პოზიციაზე საკრებულოს უმრავლესობამ "ქართული ოცნების" წევრის, დათო ლომიძის კანდიდატურა დაასახელა, "ერთიანმა ნაციონალურმა მოძრაობამ" კი ზურაბ სადათიერაშვილის.

სხდომას 15 დეპუტატი ესწრება, ამათგან, 9–მ ხმა "ქართული ოცნების" კანდიდატს დავით ლომიძეს დაუჭირა, 5–მა "ერთიანი ნაციოანლაური მოძრაობის" წევრს ზურაბ სადათიერაშვილს, 1 ბიულეტენი კი გაბათილდა.

საკრებულოს ახალარჩეულმა თავმჯდომარემ კოლეგებს ნდობისთვის მადლობა გადაუხადა.

შეგახსენებთ, დღეს გამართულ საკრებულოს რიგგარეშე სხდომაზე მხოლოდ ეს საკითხი უნდა განიხილონ.

შეგახსენებთ, ახალციხის საკრებულოს ყოფილი თავმჯდომარე კახა ბერიძემ დაკავებული თანამდებობიდან წასვლის შესახებ 2015 წლის 7 აგვისტოს, ბიუროს სხდომაზე განაცხადა. საკრებულოს თავმჯდომარის განცხადება თანამდებობის დატოვების შესახებ, საკრებულომ ცნობად 14 აგვისტოს მიიღო.

კახა ბერიძე ამ პოზიციაზე თითქმის ერთი წელი მუშაობდა, იგი საკრებულოს თავმჯდომარედ 2014 წლის 14 ივლისს, თვითმმართველი ქალაქის ახალციხის პირველი მოწვევის საკრებულოს სხდომაზე აირჩიეს.

კახა ბერიძის გადადგომიდან ამ დრომდე, ახალციხის საკრებულოს თავმჯდომარის მოვალეობას თამარ გოგოლაძე ასრულებდა.

[თამუნა უჩიძე, ნინო ნარიმანიშვილი, ახალციხე]