ადიგენში „ოცნების“ თავმჯდომარედ ზაქარია ენდელაძე აირჩიეს

ბორჯომისა და ასპინძის შემდეგ, დღეს, 10 დეკემბერს „ქართული ოცნების“ საოლქო კონფერენცია ადიგენშიც ჩატარდა.

„ოცნების“ რაიონული ორგანიზაციის თავმჯდომარის პოსტი მუნიციპალიტეტის გამგებელმა დაიკავა.

„საინტერესო შეხვედრა იყო. თავმჯდომარის გარდა, ასევე ავირჩიეთ ხუთკაციანი ბიურო. ვისაუბრეთ ჩვენს სამომავლო გეგმებზე“, – ამბობს ზაქარია ენდელაძე.

შეგახსენებთ, რომ ადიგენის მსგავსად,რაიონული ორგანიზაციის თავმჯდომარედ ბორჯომშიც მუნიციპალიტეტის გამგებელი, დიმიტრი ყიფიანი აირჩიეს. ასპინძაში კი საკრებულოს თვამჯდომარე მამუკა მელიძიძე.
მესხეთში რაიონული ორგანიზაციის თავმჯდომარეების შერჩევას, მმართველი გუნდის გენერალური მდივანი კახი კალაძე ესწრებოდა.

[თინათინ ზაზაძე, ადიგენი]