შეღავათიანი აგროკრედიტით სამცხე–ჯავახეთში ორი ახალი საწარმო დაფინანსდა

სამცხე–ჯავახეთში ინდმეწარმე ვლადიმერ სტეფანიანს კრედიტი მესაქონლეობის განვითარებისთვის მისცეს, ჯავახეთში კი რძის გადამამუშავებელი კოოპერატივი „მზიური“ დააფინანსეს.

როგორც სოფლის მეურნეობის სამინისტროში აცხადებენ შეღავათიანი აგროკრედიტის პროექტის ფარგლებში საქართველოს თითქმის ყველა რეგიონში დაფინანსდა როგორც ახალი საწარმო, ასევე გაძლიერდა და გაფართოვდა 500-ზე მეტი ძველი საწარმო. შეღავათიანი აგროკრედიტის პროექტის ფარგლებში დაფინანსდა სოფლის მეურნეობის 30-ზე მეტი დარგი.

74 ახალი საწარმოს პრეზენტაცია დღეს, 8 ივლისს სასტუმრო „ჰოლიდეი ინნ“ – ში გაიმართა. ღონისძიების ფარგლებში აღნიშნული საწარმოების ფოტოგამოფენაც მოეწყო.

პრეზენტაცია სოფლის მეურნეობის პროექტების მართვის სააგენტოს დირექტორმა გიორგი ჩხეიძემ და პროექტის მენეჯერმა ირაკლი მოისწრაფიშვილმა გამართეს.


[Sknews.ge]