ახალქალაქში, სოფელ ოკამში, საკლამახე მეურნეობა გაფართოვდა

საკლამახე მეურნეობაში, სადაც 4 ადამიანია დასაქმებული, წლიურად 8 ტონა კალმახს აწარმოებენ. პროდუქციის რეალიზაცია კი ადგილობრივ ბაზარზე ხდება.

კომპანია შეღავათიანი აგროკრედიტის ბენეფიციარია. საწარმოში ჯამურად 80,000 აშშ დოლარი ინვესტიცია განხორციელდა, აქედან 37,100 აშშ დოლარს შეღავათიანი აგროკრედიტი შეადგენს, ხოლო 42,900 აშშ დოლარი ბენეფიციარის საკუთარი ინვესტიციაა.

სამცხე–ჯავახეთის სამხარეო ადმინისტრაციის ინფორმაციით, 2013 წლიდან სოფლის მეურნეობის სამინისტროს პროექტების მართვის სააგენტო სხვადასხვა პროექტს ახორციელებს ახალი საწარმოების შექმნის მიზნით. პროექტების ფარგლებში შეღავათიანი სესხები გაიცემა, როგორც ახალი საწარმოების შექმნისთვის, ასევე უკვე არსებულის გაფართოებისთვის. ჯამში, სამცხე ჯავახეთის რეგიონში შეიქმნა 8 ახალი და გაფართოვდა 54 საწარმო.

ახალქალაქელი მეწარმის აშოტ ხაჩატურიანის საკალმახე მეურნეობა, რომელიც „ერთიანი აგროპროექტის“ ფარგლებში გაფართოვდა, სოფლის მეურნეობის პროექტების მართვის სააგენტოს შეღავათიანი აგროკრედიტის მენეჯერმა ლევან დოლიძემ, სამცხე-ჯავახეთში სახელმწიფო რწმუნებულის-გურბერნატორის მოადგილესთან გიორგი მიქელაძესთან ერთად მოინახულა.

[sknews.ge]