ოთარ დანელიამ კლდეში მეფრინველეობის ფერმა მოინახულა

სამცხე–ჯავახეთში შეღავათიანი აგროკრედიტით დაფინანსებულ მეფრინველეობის ფერმაში წარმოების პროცესს გაეცნო საქართველოს სოფლის მეურნეობის მინისტრი ოთარ დანელია მხარის გუბერნატორ აკაკი მაჭუტაძესთან, სოფლის მეურნეობის მინისტრის პირველ მოადგილესტან ნოდარ კერესელიძესთან და სოფლის მეურნეობის პროექტების მართვის სააგენტოს ხელმძღვანელთან მარიანა მორგოშიასთან ერთად.

„ეს არის აგროკრედიტის კიდევ ერთი წარმატებული მაგალითი. მიხარია, რომ მისი წარმოების გაორმაგებას ფიქრობენ. უახლოეს პერიოდში კიდევ ჩამოვალთ, რომ ეს ყველაფერი ჩვენი თვალით ვნახოთ“, – განაცხადა დანელიამ.

მისი თქმით, მსგავსი საწარმოების სხვა სოფლებში გაკეთება ძალიან მნიშვნელოვანია: „ჩვენი მხრიდან ყველანაირად შევუწყობთ ხელს, რომ ამის სტიმულირება არ შეჩერდეს საქართველოში და ახალი საწარმოები გაიხსნას. პრაქტიკულად ამის პოტენციალი ყველა სოფელს აქვს. ანალოგიური საწარმოების გაკეთება შეიძლება იმ რესურსით, რასაც დღეს სახელმწიფო სთავაზობს ბიზნესს“.

„შპს მესხეთის მეფრინველეობა“ 230 ათასი აშშ დოლარის ინვესტიცია განხორციელდა. საწარმოში 18,000 ფრთა ქათამია, რომელიც ყოველდღიურად 8 000 კვერცხის წარმოებას უზრუნველყოფს. აქ 15 ადამიანია დასაქმებული. შეღავათიანი აგროკრედიტის ფარგლებში მეფრინველეობის ფერმა 230 ათასი ლარით სარგებლობს. პროდუქტი ადგილობრივ ბაზარზე იყიდება.

აგროკრედიტის პროექტის ფარგლებში სამცხე-ჯავახეთში გაცემულია 1,577 სესხი ოდენობით 26,982,600 ლარი და 59 სესხი ოდენობით 4,310,780 აშშ დოლარი, პროექტის ფარგლებში გაიხსნა 7 ახალი საწარმო.



[თინათინ ზაზაძე, ახალციხე]