ჭექა-ქუხილმა ზარზმის მონასტრის ჯვარი დააზიანა

ზარზმის ტაძარს მეხი გუშინ, 5 ივლისს დაეცა და ტაძრის გუმბათზე დამაგრებულ ჯვარს ნაწილი მოტეხა.

„გასულ დღეებში ტაძარს მეხამრიდი მოვხსენი, ანუ ის მავთული, რომელიც ჯვარზე იყო დამაგრებული და ტაძარს მიწამდე მოყვებოდა.
მონასტრის ფოტო-ალბომს ვაკეთებდით და ის ხელს გვიშლიდა“, - ამბობს ზარზმის მონასტრის წინამძღვარი მამა ნიკოლოზი.

მისი თქმით, გარდა იმისა, რომ გუმბათზე დამაგრებულ ჯვარს ნაწილი ჩამოტყდა, მონასტერში სხვა არაფერი დაზიანებულა: „ჯვარს შევაკეთებთ ბუნებრივია“.

[sknews.ge]