შალვა ახალციხელის სახელობის ტაძარზე ჯვარი აღიმართა [Photo]

დღეს, 20 მაისს, მშენებარე ტაძრის ეზოში ახალციხისა და ტაო–კლარჯეთის ეპარქიის მიტროპოლიტმა თეოდორე ჭუაძემ, სასულიერო პირებთან ერთად, პარაკლისი გადაიხადა და ჯვარი აკურთხა.

რის შემდეგაც, დაახლოებით 2,5 მეტრის ჯვარი ეკლესიის გუმბათზე აღიმართა.

"მთავარი ჯვრის ძალაა, რადგან ჯვრით გამოიხსნა მაცხოვარმა კაცობრიობა. ვუყურებთ რა ჯვარს, გვეძლევა ძალა, რომ ეს ტაძარი მივიყვანოთ ბოლომდე და იყოს გამაერთიანებელი ჩვენი ქალაქისა", – განმარტა მიტროპოლიტმა თეოდორემ.

ბრინჯაოს ჯვარი დაახლოებით 250 კილოგრამს იწონის. მის ჩამოსხმაზე თავად ტაძრის მშენებლობის ინიციატორის, ვასილ ივანიძის ოჯახმა იზრუნა.

შალვა ახალციხელის სახლეობის ტაძრის მშენებლობა ივანიძეების ოჯახის დახმარებით, 2009 წელს დაიწყო. იგი ამ დრომდე მშენებარეა. რის მიზეზადაც, ფინანსური მხარე სახელდება.





















[თაკო ფეიქრიშვილი, ახალციხე]