არჩევნების დღეს არასამთავრობო ორგანიზაციების მედიაცენტრი ამოქმედდება

მედიაცენტრში ორგანიზაციები, რომლებიც არჩევნებზე დაკვირვებას აწარმოებენ, მუდმივ რეჟიმში მიაწვდიან ინფორმაციას მედიას არჩევნების მიმდინარეობის შესახებ. წინა წლების მსგავსად, არჩევნების დღეს და შემდგომ პერიოდში საარჩევნო პროცესების შესახებ მედიაცენტრში ბრიფინგებს გამართავენ "სამართლიანი არჩევნებისა და დემოკრატიის საერთაშორისო საზოგადოების", "საქართველოს ახალგაზრდა იურისტთა ასოციაციის", "საერთაშორისო გამჭვირვალობა-საქართველოს", "განვითარებისა და დემოკრატიის ცენტრის", "მრავალეროვანი საქართველოს", "ადამიანის უფლებათა ცენტრისა" და "საზოგადოებრივი დამცველის" წარმომადგენლები.

არჩევნების დღეს მედიაცენტრში დაგეგმილია 22 ბრიფინგი, არჩევნების მეორე დღეს კი, ჩატარდება 7 ბრიფინგი.

მედიაცენტრში "სამართლიანი არჩევნებისა და დემოკრატიის საერთაშორისო საზოგადოება" ასევე წარმოადგენს ხმების პარალელური დათვლის შედეგებს.

[sknews.ge]