არჩევნების პორტალის პრეზენტაცია ახალციხეში

შეხვედრა ”დემოკრატიული ჩართულობის ცენტრში შედგა” და მას ადგილობრივი პოლიტიკური პარტიების, არასამთავრობო ორგანიზაციებისა და მედის წარმომადგენლები ესწრებოდნენ.

”ჩვენი ვებ-გვერდით სარგებლობა ორგანიზაციების გარდა რიგით მოქალაქეებსაც შეუძლიათ. დაინტერესებულ პირებს შეუძლიათ დარღვევების შესახებ ინფორმაცია sms-ის საშუალებით მოგვაწოდონ. ყველას მოვუწოდებთ აქტიურობისკენ, რათა არჩევნები დემოკრატიულად ჩატარდეს”, - ამბობს ”ახალგაზრდა იურისტთა ასოციაციის” გორის ოფისის ხელმძღვანელი ქეთი ბებიაშვილი.

მისივე თქმით, სხვა რეგიონებთან შედარებით სამცხე-ჯავახეთში წინასაარჩევნო პერიოდი შედარებით მშვიდად მიმდინარეობს.

არასამთავრობო ორგანიზაციების არჩევნების პორტალი - www.electionportal.ge, სამი არასამთავრობო ორგანოზაციის: ”სამართლიანი არჩევნებისა და დემოკრატიის საერთაშორისო საზოგადოების”, საქართველოს ახალგაზრდა იურისტთა ასოციაციისა და ”საერთაშორისო გამჭვირვალობა-საქართველოს”ერთობლივი ინიციატივაა.

პორტალის მიზანია დაინტერესებული მხარეებისათვის ყოვლისმომცველი ინფორმაციის მიწოდება 2012 წლის საპარლამენტო არჩევნების შესახებ. მასზე განთავსდება ინფორმაცია წინასაარჩევნო პერიოდში, არჩევნების დღესა და არჩევნების შემდგომ პერიოდში გამოვლენილი დარღვევების შესახებ.

[თინათინ ზაზაძე, ახალციხე]