არჩევნების პორტალი: დარღვევა ახალციხის N4 საარჩევნო უბანზე

პორტალზე გამოქვეყნებული ინფორმაციის თანახმად, „დემოკრატიული მოძრაობა - ერთიანი საქართველოსთვის“ წარმომადგენლებს სიტყვიერი მითითება მისცეს, რის შემდგომაც ერთ-ერთმა საარჩევნო უბანი დატოვა. თუმცა, საარჩევნო კომისიის მდივნის მიერ ჟურნალში ორივე წარმომადგენელი იყო დარეგისტრირებული.

აღნიშნული ფაქტი ჩანაწერთა წიგნში დაფიქსირდა. ასევე დაიწერა საჩივარი უბნის თავმჯდომარისა და კომისიის ერთ-ერთი წევრის უფლებამოსილების შეწყვეტის შესახებ, რაც საოლქო საარჩევნო კომისიაში გადაიგზავნა.

არასამთავრობო ორგანიზაციების არჩევნების პორტალი წარმოადგენს "სამართლიანი არჩევნებისა და დემოკრატიის საერთაშორისო საზოგადოების", "საქართველოს ახალგაზრდა იურისტთა ასოციაციისა" და "საერთაშორისო გამჭვირვალობა-საქართველოს" ერთობლივ ინიციატივას. არჩევნების პორტალზე განთავსებულია ინფორმაცია, როგორც წინასაარჩევნო პერიოდზე, ასევე არჩევნების დღეს დაფიქსირებული დარღვევების შესახებ.

[sknews.ge]