მუნიციპალური განვითარების ფონდი სამცხე–ჯავახეთის სამ მუნიციპალიტეტში წყალმომარაგების სისტემის რეაბილიტაციას იწყებს

დღესვე, 13 ივნისს, სასტუმრო რედისონში ევროპის საინვესტიციო ბანკს, საქართველოს მუნიციპალური განვითარების ფონდსა და გაერთიანებული წყალმომარაგების კომპანიას შორის ხელი მოეწერა საპროექტო ხელშეკრულებას.

48 მილიონი ევრო მთლიანად 28 ქალაქის წყალმომარაგების სისტემის გაუმჯობესებას მოხმარდება, საიდანაც 40 მილიონი ევრო ევროპის საინვესტიციო ბანკის კრედიტია, 8 მილიონი ევრო კი ევროკავშირის გრანტი.

პროექტის განხორციელების ფარგლებში საქართველოს 28 ქალაქის დაახლოებით 200 000 ათასს მოქალაქეს მოუწესრიგდება წყალმომარაგების პრობლემა. პროექტის ფარგლებში მოგვარდება ისეთი საკვანძო საკითხები, როგორიცაა: არსებული წყალმომარაგების ქსელების განახლება, ქსელში ახალი მომხმარებლების ჩართვა და მომსახურეობის მაღალი დონის დანერგვა.

წყლის სისტემის მოწესრიგება მოხდება საქართველოს 28 ქალაქში. კერძოდ: სენაკის, ხობის, ოზურგეთის, ბაღდათის, თერჯოლის, დუშეთის, წაღვერის, ასპინძის, ახალციხის, ბოლნისის, წნორის, აბაშის, ონის, გურჯაანის, ზესტაფონის, თეთრიწყაროს, სიღნაღის, ბორჯომის, ჭიათურის, საგარეჯოს, ყვარლის, წალკის, ახმეტის, ხაშურის, ლაგოდეხის, ქარელის, ტყიბულის და თელავის მუნიციპალიტეტებში.

აღნიშნული პროექტი 2014 წელს დაიწყება და 2016 წელს დასრულდება.

[Sknews.ge]