მკვლელობაში ბრალდებული საჯარო მოხელის საქმეზე ნაფიც მსაჯულთა შერჩევა დაიწყო

თბილისის საქალაქო სასამართლოში ნაფიც მსაჯულთა შერჩევის სხდომა გუშინ, 9 ივნისს დაახლოებით ორ საათს გაგრძელდა.

ბრალდებულ მარინე სიმონიანის ადვიკატის ნუტზარ სამარჯიშვილის თქმით, თბილისის საქალაქო სასამართლოს ამომრჩეველთა ერთიანი სია, საიდანაც ნაფიცი მსაჯულები უნდა შეერჩიათ არასწორად ჰქონდა: „სია მთელი საქართველოს მასშტაბით უნდა იყოს, იქ კი თბილისისა და სვანეთის მონაცემები აკლდა. ამიტომ დაზუსტებული სიები წარმოადგინეს და 100 კაცი აქედან შეირჩა“.

100-ვე მათგანს ასევე დაცვისა და ბრალდების მხარესთან შეთანხმებული 30-მდე კითხვა დაეგზავნათ.

„კითხვები ეხება იმას, თუ სად ცხოვრობენ, დაოჯახებულები არიან თუ არა, პროკურატურაში ან პოლიციაში ახლობლები ხომარ ჰყავთ, ან პატიმარი ხომარ ჰყავთ, მიაჩნიათ, თუ არა რომ შეიძლება უდანაშაულო ადამიანი იყოს პასუხისგებაშ მიცემული და ა.შ“, - გვიხსნის სამარჯიშვილი.

ნაფიც მსაჯულთა შერჩევის მომდევნო სხდომა 17 ივნისს გაიმართება.

შეგახსენებთ, რომ 80 წლის ქალის მკვლელობაში ბრალდებული მარინე სიმონიანის საქმეს, რომელიც ახალციხის მუნიციპალიტეტის სოფელ წყალთბილის ტერიტორიული ორგანოს სპეციალისტი იყო, ნაფიც მსაჯულთა სასამართლო განიხილავს.

გარდაცვლილი ბაბოევი სამართალდამცავებმა 16 თებერვალს საკუთარ ბინაში იპოვეს. 17 თებერვალს კი მარინე სიმონიანი, ს.ბ. და მ.ს. დააკავეს. მომხდარზე ძიება სსკ-ის 109-ე მუხლის მე-2 ნაწილით (განზრახ მკვლელობა დამამძიმებელ გარემოებებში ჩადენილი ჯგუფურად) და 177-ე მუხლის მესამე ნაწილით (ჯგუფური ქურდობა) დაიწყო.

[თამუნა უჩიძე, ახალციხე]