ბორჯომში სტიქიას 25 წლის მამაკაცი ემსხვერპლა

სტიქიამ ბორჯომს გუშინ, 3 ივნისს შეუტია. ძლიერი წვიმის შედეგად ადიდებული მდინარე საკირულა მურმან ლომსაძის ეზოში შევარდა და ლომსაძე იმსხვერპლა.

ადიდებულმა მდინარემ დააზიანა ადგილობრივები, ნაკვეთები სოფლებში: დვირი, საკირე, ტაძრისი და დგვარი. ამ სოფლებში დაზიანდა გზებიც და არსებობს საშიშროება, რომ მოწყდეს სამი სოფლის: ტაძრისის, საკირესა და დგვარის დამაკავშირებელი გზა.
ბორჯომის მუნიციპალიტეტის გამგეობაში უკვე შექმნილია ზარალის დამთვლელი სამუშაო ჯგუფი. გარდა ამისა, სტიქიის ზონებში მობილიზებულია ტექნიკა.

სტიქიით დაზარალებული სოფლები გუშინვე მოინახულეს სამცხე-ჯავახეთის გუბერნატორმა აკაკი მაჭუტაძემ და ბორჯომის მუნიციპალიტეტის გამგებელმა დიმიტრი ბერიძემ. დღეს კი ბორჯომს რეგიონული განვითარების სამინისტროს წარმომადგენლები ესტუმრნენ.

ბორჯომში იმყოფება „სამხრეთის კარიბჭეც“. დეტალებს მოგვიანებით მოგაწვდით.

[SKnews.ge]