სოფელ ურაველში სეტყვამ ხეხილი დააზიანა

ახალციხის სოფელ ურაველში ძლიერი წვიმა და სეტყვა დღეს, 15 ივნისს დაახლოებით დღის 15:00 საათზე მოვიდა.
ადგილობრივების თქმით, სტიქია ნახევარი საათის განმავლობაში გრძელდებოდა. ძლიერმა სეტყვამ და წვიმამ პომიდვრის ნერგები და ხეხილის ბაღები დააზიანა.

„ნერგები საერთოდ აღარ გამოდგება ისეთი სეტყვა იყო, კაკალსა და ვენახებს, რომლებიც ახალი გამოყვანილია რა ეშველება ჯერ არ ვიცი“, – ამბობს ურავლის მკვიდრმა გიორგი კაპანაძემ.

ადგილობრივების თქმით, სეტყვასა და წვიმას არ დაუზიანებია ინფრასტრუქტურა, არც სახლებია დატბორილი.

როგორც ახალციხის მუნიციპალიტეტის მერიაში ამბობენ, ურაველში უკვე გასულია ზარალის დამთვლელი კომისია და სტიქიისაგან მიყენებულ ზიანს ადგილზე შეისწავლის.



[ლუბა გიორგაძე, ახალციხე]