აგარა-გომის მონაკვეთზე ავარიის შედეგად დაზარალებულთა ნაწილის მდგომარეობა მძიმეა

აგარა - გომის ონაკვეთზე, დღეს, 21 თებერვალს, მომხდარი ავარიისას დაშავებულები სასწრაფო დახმარების სამსახურმა ქარელისა და ხაშურის საავადმყოფოებში გადაიყვანა. ქარელში 4 მგზავრი მიიყვანეს. როგორც საავადმყოფოს დირექტორმა, ზაქრო მეყანწიშვილმა გვითხრა, ერთი მცირეწლოვანი თავის ქალის ტრამვით თბილისში, იაშვილში გადაჰყავთ. ორი დაშავებულის მდგომარეობა მსუბუქი იყო და ისინი უკვე გაეწერნენ საავადმყოფოდან. მეოთხე დაშვებული კი, რომელიც ქარელის საავადმყოფოში მიიყვანეს, ფაქტობრივად გარდაცვლილი იყო, ეს იყო ბავშვების დედა.

რაც შეეხება, მედიქალ პარკი საქართველოს ხაშურის საავადმყოფოს, მენეჯერის, თეიმურაზ მდინარიშვილის განმარტებით, ხაშურში 5 დაშავებული მიიყვანეს. ამათგან, სამი ამბულატორიული პაციენტი იყო და ისინი უკვე გაწერეს საავადმყოფოდან. შედარებიტ მძიმეა 2 მგზავრის მდგომარეობა, ამათგან 1 გორის საავადმყოფოში გადაჰყავთ, ასევე, სხვა საავადმყოფოში იგეგმება ერთი პაციენტის გადაყვანა, რომელცას ქალის ტრამვა აქვს, სავარაუდოდ ცხვირის ძვლები აქვს მოტეხილი.

შეგახსენებთ, დღეს, შუადღეს, აგარა-გომის მონაკვეთზე თბილისი-ვალეს მიმართულებით მოძრავი მიკროავტობუსი, გზიდან გადავარდა, ბოძს შეეჯახა და ამოტრიალდა. შემთხვევის შედეგად, დაიღუპა სამი ადამიანი, დედა და ორი შვილი და დაშავდა 7 ადამიანი.

ფაქტზე გამოძიება მიმდინარეობს. საქმე აღძრულია სისხლის სამართლის კოდექსის 276-ე მუხლის მე-7 ნაწილით.

[ნინო ნარიმანიშვილი, ახალციხე]