ფაშიზმზე გამარჯვების 72–ე წლისთავთან დაკავშირებით, საზეიმო ღონისძიება, რეგიონის მასშტაბით, ყველა ქალაქში გაიმართა. ტრადიციულად, ადგილობრივი ხელისუფლების წარმომადგენლებმა, მეორე მსოფლიო ომში დაღუპულთა მემორიალი გვირგვინებით შეამკეს და მეორე მსოფლიო ომის ვეტერანებს საჩუქრები გადასცეს.
ბოლო მონაცემებით, სამცხე–ჯავახეთში 55 ვეტერანი ცხოვრობს: ახალქალაქში – 13, ნინოწმინდაში– 4, ახალციხის თემიში – 10, ქალაქ ახალციხეში – 4, ასპინძაში – 4, ადიგენში – 3, ხოლო ბორჯომში – 17.
ახალციხეში მემორიალთან დღეს მხოლოდ ოთხი ვეტერანი მივიდა, ისინი, ვინც ახალციხეში ცხოვრობენ. მათთვის ადგილობრივმა ცეკვისა და სიმღერის ანსამბლებმა კონცერტი გამართეს.პროფესიული კოლეჯის "ოპიზარის“ დირექტორმა ვეტერანები სასწავლებელში დამზადებული ტკბილეულით დაასაჩუქრა. ახალციხის მერიამ ვეტერანები საზეიმო სადილზე მიიწვია და თითოეულ მათგანს 200–200 ლარს დაურიცხა.
9 მაისის აღნიშვნა ქალაქ ახალციხეში. ფოტო: © სამხრეთის კარიბჭე
9 მაისის აღნიშვნა ქალაქ ახალციხეში. ფოტო: © სამხრეთის კარიბჭე
ახალციხის თემმა, წინა წლებისგან განსხვავებით, წელს გადაწყვიტა, ვეტერანებისთვის ფულადი თანხის გარდა საჩუქრებიც გადაეცა და საჩუქრებად თეთრეული და სუნამო შეარჩია. გამგეობისგან 400–400 ლარი, თეთრეული და სუნამო 9 ვეტერანს ერგო.
9 მაისის აღნიშვნა ახალციხის თემში. ფოტო: © ახალციხის გამგეობა
9 მაისის აღნიშვნა ახალციხის თემში. ფოტო: © ახალციხის გამგეობა
9 მაისის აღნიშვნა ახალციხის თემში. ფოტო: © ახალციხის გამგეობა
ტრადიციულად, წელსაც მოკრძალებული იყო ზეიმიც და ფულადი ჯილდოც ადიგენში. მუნიციპალიტეტის გამგებელმა ზაქარია ენდელაძემ, საკრებულოსა და გამგეობის თანამშრომლებთან ერთად, გარდაცვლილ გმირთა მემორიალი გვირგვინით შეამკო. მუნიციპალიტეტში მცხოვრებ სამ ვეტერანს კი ადგილობრივი ბიუჯეტიდან 50–50 ლარი დაურიცხა.
9 მაისის აღნიშვნა ადიგენში. ფოტო: © ადიგენის გამგეობა
100–100 ლარით დაასაჩუქრეს ამ დღის აღსანიშნავად ვეტერანები ასპინძაში. აქ 72 წლისთავს მხოლოდ ოთხი ვეტერანი დაესწრო. მათ სუვენირებიც გადასცეს.
9 მაისის აღნიშვნა ასპინძაში. ფოტო: © ასპინძის გამგეობა
9 მაისის აღნიშვნა ასპინძაში. ფოტო: © ასპინძის გამგეობა
რეგიონის მასშტაბით ყველაზე მეტი, 17 ვეტერანი, ბორჯომის მუნიციპალიტეტში ცხოვრობს. ადგილობრივმა ხელისუფლებამ მათ 200–200 ლარი დაურიცხა.
9 მაისის აღნიშვნა ბორჯომში. ფოტო: © ბორჯომის გამგეობა
9 მაისის აღნიშვნა ბორჯომში. ფოტო: © ბორჯომის გამგეობა
9 მაისის აღნიშვნა ბორჯომში. ფოტო: © ბორჯომის გამგეობა
გაცილებით მეტი თანხა, 500–500 ლარი ერგოთ ახალქალაქისა და ნინოწმინდის მუნიციპალიტეტებში მცხოვრებ ვეტერანებს. ახალქალაქში 13 ვეტერანი ცხოვრობს, ნინოწმინდაში კი 4.
9 მაისის აღნიშვნა ნინოწმინდაში. ფოტო: © ნინოწმინდის გამგეობა
9 მაისის აღნიშვნა ნინოწმინდაში. ფოტო: © ნინოწმინდის გამგეობა
9 მაისის აღნიშვნა ახალქალაქში. ფოტო: © ჯეინიუსი
9 მაისის აღნიშვნა ახალქალაქში. ფოტო: © ჯეინიუსი
9 მაისის აღნიშვნა ახალქალაქში. ფოტო: © ჯეინიუსი
შეგახსენებთ, რომ სამცხე-ჯავახეთიდან სამამულო ომში 44.730 ადამიანი წავიდა, 6 საბჭოთა კავშირის გმირი გახდა, 400-ზე მეტი ორდენებითა და მედლებით დაჯილდოვდა. 18.302 უკან აღარ დაბრუნებულა.
[sknews.ge]