უბედური შემთხვევა თბილისში

უნივერსიტეტის მაღლივ კორპუსთან, ხიდიდან ხტომის, ეგრეთ წოდებული "როუფ ჯამფინგის" დროს 23 წლის მარიამ ყანდაშვილი და 25 წლის გოგა გოლეთიანი გარდაიცვალნენ.

"როუფ ჯამფინგი" გასართობი სპორტის ერთ-ერთი სახეობაა და ხიდიდან თოკით ხტომას გულისხმობს.

შემთხვევა გუშინ საღამოს მოხდა. წინასწარი ინფორმაციით, უბედური შემთხვევა ჯერ მთავარი, შემდეგ კი დამცავი თოკის გაწყვეტამ გამოიწვია. უქმეე დღესთან დაკავშირებით ახალგაზრდებმა სპეციალური ფასდაკლებით ისარგებლეს და ერთის ფასად ხიდიდან ორნი ერთად გადახტნენ.

უნივერსიტეტის მაღლივი ხიდიდან ე.წ. "ჯამფერების" ხტომა დედაქალაქში, საკმაოდ გავრცელებული ექსტრემალური სპორტია. ხიდის სიმაღე 50 მეტრია, საფრენი მანძილი კი 35 მეტრი. უბედურ შემთხვევამდე შეჯიბრი იმართებოდა. ყანდაშვილი და გოლეთიანი ხიდიდან ერთი თოკით ბოლოები გადმოხტნენ.

- “ჩვენი ინფორმაციით, ღონისძიება სრულდებოდა, როდესაც ახალგაზრდა ქალმა და მამაკაცმა ერთად გადახტომა გადაწყვიტეს. ვფიქრობ, რომ ორი ადამიანის ერთად გადახტომა არ შეიძლება და ფაქტიც ამაზე მეტყველებს, რამდენადაც გაწყდა როგორც ძირითადი, ასევე სათადარიგო თოკი. გამოძიება შეისწავლის მიზეზებს და აუცილებლად გატარდება შესაბამისი ზომები”, - აცხადებს თბილისის მერიის ჯანდაცვისა და სოციალური უზრუნველყოფის საქალაქო სამსახურის უფროსი მამუკა ქაცარავა.

მომხდარზე სისხლის სამართლის საქმეა აღძრული. ინსტრუქტორებსა და სამოყვარულო ექსტრემალური სპორტის წარმომადგენლებს სამართალდამცავები გუშინ გვიან ღამემდე კითხავდნენ.

სპორტის ეს სახეობა კომპანია “ექსტრიმ თინის” ორგანიზებით ეწყობა. როგორც “სამხრეთის კარიბჭემ” გაარკვია, კომპანია დიდ დიღმის მესამე მიკრორაიონში, ბიძიან გუჯაბიძის შვილის ირაკლი გუჯაბიძის სახლშია დარეგისტრირებული. კომპანია ექსტრემალებს უსაფრთხოების 100-პროცენტიან გარანტს აძლევს და ირწმუნება, რომ სიმაღლიდან ხტომისთვის ყველა საჭირო დეტალი და მოწყობილობა ოფიციალური დილერებისგანაა შეძენილი. გუჯაბიძეებმა პოლიციის შენობა უკომენტაროდ დატოვეს.

[რუსუდან მამასახლისი, თბილისი]