ახალციხეში ახალგაზრდა მამაკაცი ხიდიდან გადავარდა

შემთხვევა დღეს, 18 ოქტომბერს, დაახლოებით 16:30 საათზე მოხდა. როგორც თვითმხილველები "სამხრეთის კარიბჭესთან" ყვებიან, ორი ახალგაზრდა მამაკაცი ხიდზე ფეხით მოდიოდა, ორივე მათგანი ნასვამი იყო. ერთ–ერთი ხიდზე მოაჯირის კიდეს მიეყრდნო, თავი ვეღარ შეიკავა და რამდენიმე მეტრის სიმაღლიდან მდინარის ნაპირზე ჩავარდა.

თვითმხილველებისვე ნაამბობით, მამაკაცმა დაზიანებები მიიღო.

ამ წუთებში, დაშავებულიც და მისი თანმხლები მამაკაციც "კლინიკა" იმედში იმყოფებიან. დაშავებული სასწრაფო დახმარების სამსახურმა წაიყვანა, მეგობარი კი მას თან გაჰყვა.

დაშავებულის მდგომარეობის სიმძიმე ამ ეტაპზე უცნობია. თვალი ადევნეთ ვებგვერდს.







[sknews.ge]