უბედური შემთხვევა ბაკურიანში–გარდაცვლილია ახალგაზრდა ქალბატონი

უბედური შემთხვევა 9 იანვარს მოხდა. ბაკურიანში დასასვენებლად ჩასული ახალგაზრდა ცოლ–ქმარი „ბურანით“ სეირნობის დროს დაშავდნენ. როგორც ადგილობრივები აცხადებენ „ბურანს“ მამაკაცი მართავდა, საჭე ვეღარ დაიმორჩილა, ბოძს შეეჯახა და ამოტრიალდა.

დაშავებულები ბორჯომის კლინკაში მიიყვანეს, თუმცა მოგვიანებით ახალგაზრდა ქალბატონი მდგომარეობის გართულების გამო თბილისში, ღუდუშაურის სახელობის ეროვნულ სამედიცინო ცენტრში გადაიყვანეს, თუმცა მისი გადარჩენა მაინც ვერ მოხერხდა, იგი მიღებული ტრავმით გუშინ 13 იანვარს გარდაიცვალა.

შინაგან საქმეთა სამინისტროში განმარტავენ, რომ გამოძიება სსკ–ის 276-ე მუხლის მეხუთე ნაწილით მიმდინარეობს, რაც სატრანსპორტო საშუალების ექსპლუატაციის წესების დარღვევას გულისხმობს, რამაც ადამიანის სიცოცხლის მოსპობა გამოიწვია.

[sknews.ge]